The Eritrean St.mary tewhado orthodox church Oslo Norway More info.call +4746276789 or mail to info@orthodox1.com Church is open every sunday 06:00am-14:00pm

www.orthodox1.com

     
ኤፌሶን 4፡5 ‘‘ ሓደ ጎይታ፡ሓንቲ ጥምቀት፡ ሓንቲ እምነት’’

ኤፌሶን 4፡5 ‘‘ ሓደ ጎይታ፡ሓንቲ ጥምቀት፡ ሓንቲ እምነት’’

      በስመ ኣብ ወወልድ ወመንፈስቅዱስ ኣሐዱ ኣምላክ ኣሜን!!
         ክርስትያን ናይ ክርስቶስ ስለዝኾነ ኩሉ ግዜ ኣብ ፈተና እዩ! ኩሉ ክርስትያን ከኣ ይፍተን ማለት ኣይኮነን! ገሊኡ ተገልቢጡ ፈታኒ እዩ! ዓቕምና ብዝፈልጦ ኣብ መንጎ ሃይማኖታት ዘሎ ፍልልያትን ጠንቅታቱን ንፈልጦ ኢና!! እቲ ኩሉ ኣማንን ዘይኣማንን ተሰኪምዎ ዞሎ መጽሓፍ ቅዱስ ኣብ ኤፌሶን 4፡5 ‘‘ ሓደ ጎይታ፡ሓንቲ ጥምቀት፡ ሓንቲ እምነት’’ ይብለና!!

 ክቡራን ምእመናን ኣምላኽ ሓደ እዩ፡ ሃይማኖት ከኣ ሓንቲ እንተኾይና ንምንታይ በዘን መጉልበብ ሃይማኖት ተጎልቢበን ሰብ ካብ እምነት ዘውጽኣ ዘለዋ ድርጅታት ንርበሽን ሃይማኖትና እንኽሕድን፧
ናይ ኩሉ መሰረት እምነት እዩ! ኣብ እምነትካ ማዕረኽንደይ ጽኑዕ ኢኻ፧ ኣብ እምነትካ ዘለካ ኣፍልጦ ክንደይ እዩ፧ ንዘይትፈልጦ ንኽትፈልጥ ን መምሃራን፡ ፈላጣት ትሓትት ዲኻ፧
   እዘን ኩለን ብስም ሃይማኖት ዝንቀሳቐሳ ድርጅታት ኣንጻር ኦርቶዶክስ ዝተዓጥቃ እየን! ኣብዚ ናይ ዘመንና ቴክኖሎጂ (ጥበብ) ተጠቒምካ ዝግበር ዘሎ ኣንጻር ኦርቶዶክስ ጎስጓስ ካብ ኣምላኽ ዝፈሊ፡ ምስ ቅዱሳት ዘባእስ፡ እዩ!!  ንዝመጻኩም ምላሽ ምሃብ መታን ክትክእሉስ ኩሉ ግዜ ድሉዋት ኩኑ ከምዝብለና ድሉዋት እንተኾይና ክንሽነፍ ኣይንኽእልን ኢና!! በጀካ እቶም ቁሩብ ብረብሓ ስጋዊ ነገር ዝተዓሸዉ ዳርጋ ኩሎም  ንኦርቶዶክስ ከይፈለጥዋ ዝወጹ እዮም!!
   ሰብ ዝደለዮ ከምልኽ ናቱ ፍቓድን መሰልን እዩ!! እቲ ዝገርም ናቶም ጽቡቕ ገይሮም ከይፈለጡ ዘይናቶም ምንሻዎም እዩ!!  ንኹሉ ግን ቅንዕትን ጎይታ ዝሰረታ እምነት ከምዘላትና ክንፈልጥ ይግባእ! ዝኾነ ሕቶ ወይ ዘጠራጥረና ወይ ካብ ዘይኣመንቲ ንዘጋጥመና ንኽንርዳእ ናብ ኣቦታት ወይ መምህራን ናይ ኦርቶዶክስ ቀሪብና ክንሓቶምን ክንርዳእን ይግባኣና! ብቐረባ ንምርካብ ዘጸግመና እንተኾይኑ ኣብ ናይ ኦርቶዶክስ ድህረገጻት ክትውከሱ ትኽእሉ!1

   ሓደ ኣምላኽ ሓንቲ ሃይማኖት ምዃን እንተ ንተኣማመን ኮይና ኣብዝኾነ ሃለውለው ኣይናቱን ኢና!!

እግዚኣብሔር ኣብ ሃይማኖትና የጽንዓና! ነቶም ካብ እምነቶም ተፈልዮም ዘለዉ ከኣ ዓይነልቦነኦም ከፊቱ ናብታ ቅንዕቲ ሃይማኖት ይምለሶም!!

Posted by on | Viewed 87 | | Printout Print