እንቃዕ ብሰላም ናብ ዕለተ ሆሳዕና ኣብጸሓና

  ሆሳዕና ( ሕጂ ኣድሕን)፡ ጎይታናን ኣምላኽናን መድሓኒናን ኢየሱስ ክርስቶስ ናብ ኢዮርሳሌም ክኣቱ እንከሎ ” ሆሳዕና ንወዲ ዳዊት እቲ ብስም እግዚዝብሔር ዚመጽእ ብሩኽ እዩ ” እናበሉ ተቐበልዎ (ማቴ 21፡9)   ወንጌል ማቴዎስ 21 ፣ ማርቆስ 11 ፣ ዮሃንስ 12  ንመልከት።  ኣብቲ ግዜ ድሕነት ይጽበዩ ስለዝነበሩ እዮም ሆሳእና ( ሕጂ ኣድሕን ) እናበሉ ዘሚሮም፡ ሽዑ መግዛእቲ ሮማ ብስጋን ብነፍስን በርቲዕዎም ነበረ ! ሎሚ ኸኣ ዓለምና ብኸቢድ ተጨኒቓትሉ ኣብዘላ ግዜ ሕጂ ኣድሕን ክንብል ይግበኣና እዩ!! መንግስታት ዓለም ሓይሎም ንኽፍለጠሎም ወይ ግዝኣቶም ንኽዓብየሎም ዘካይድዎ ዕግርግር ክመስለና ይኽእል እዩ! ቀንዱ ግን ጸረ እመት ጸረ ክርስቶስ እዩ! ብፍላይ ነተን ኣብታ ቅንዕቲ ሃይማኖት ዝነበራን ዘለዋን ብኸመይ ከምዘዳኸምወንን ከምዘጥፍእወንን ንመብዛሕቱ ብሩህ እዩ! ንምጥቕላል ከኣ ናብ ኢስራኤል ይተኣኻኸቡ ኣለዉ፡ ጎይታናን ኣምላኽናን መድሓኒናን ኢየሱስ ክርስቶስ ኣብ ሉቃስ 21፡20 ከምዝሓበረናን ከምዘጠንቀቐናን 20፡ ” ኢዮርሳሌም ብሰራዊት ተኸቢባ እንተ ርኤኹም፡ ሽዑ ጥፍኣታ ከምዝቐረበ ፍለጡ”  21 ብምሉእ ንርኣዮ፡ እቲ ኢየሩሳሌም ብሰራዊት ትኽበበሉ  “21፡22 ፡  እዚ እቲ ጽሑፍ ዘበለ ምእንቲ ክፍጸምሲ ወርሓት ሕነ እዩ!!” ይብለና። እሞ ዝተሓበረና ይግለጽ ሰለዘሎ ሸለል ከይበልና ከነስተውዕልን፡ ጽሑፋት ክንምርምርን ክንሓትትን ይግበኣናን ግዴታንንእውን እዩ!! ከነስተውዕል ጽሑፋት ክንርምር ክእለትን ዓቕምን እንተ ዘይሃልይናውን ፍቕሪ ኣምላኽን ሰብን ኣብ ኣእብሮናን ልብናን ነስፍረን!!

                       ርሑስ በዓለ ሆሳዕና ናብ ብርሃነ ትንሳኤኡ ብሰላም የብጽሓና!! ወስብሐት ለእግዚኣብሔር ወለወላዲቱ ድንግል ወለመስቀሉ ክቡር!!