መዝሙር ዳዊት 45 ፡16 – 17

16 ፡ ህየንተ አበዊኪ ተወልዱ ለኪ ደቂቅ።
ወትሠይምዮሙ መላእክተ ለኵሉ ምድር።
17: ወይዘከሩ ስመኪ በኵሉ ትውልደ ትውልድ።
በእንተዝ ይገንዩ ለከ አሕዛብ እግዚኦ፡
ለዓለም ወለዓለመ ዓለም።

በረኸታ ናይ ድንግል ማርያም ምስ ኩልና ኣፍቀርታ ይኹን! ደብረ ምጥማቕ ካብ ስደት ኣብ ዝምለስሉ ግዜ ዘዕረፉሉን ጎይታ ንድንግል ኣብዚ ብስምኪ ዝጽዋዕ ዓቢ መሕደሪ ቅዱሳን ክኸውን እዩ ኢሉ ዘበሰራን ቦታ ኾይኑ፡ ከም ቃሉ ድሕሪ ዕረፍታን ዕርገታን ብኣካል ትግለጸሎምን ትባርኸሎምን ሕቶታቶም ትምልሰሎምን ቅዱስ ቦታ እዩ!!

 ከምዚ ኣብ ላዕሊ ብግእዝ ተጻሒፉ ዘሎ ብትግርኛ ዘይትርጉሙ ሒዙ ተጻሒፉ ኣሎ! ብግእዝ ብጓል ኣንስተይቲ ተጻሒፉ ፡ ትግርኛ ምስተቐየረ ብወዲ ተባዕታይ ኮይኑ! ቃል መጽሓፍ ቅዱስ ምቕያር ካብ በረኸት እግዚኣብሒር ከምዘርሕቕ ንጹር እዩ! እሞ እቲ ዘንብብ’ውን የስተውዕል!!  ” ክንዲ ኣቦታትኪ ውሉድ ተወለዱልኪ፡ ኣብ ብዘላ ምድሪ ኸኣ መሳፍንቲ ጌርኪ ክትሰምዮም ኢኺ፡  ካብ ወለዶ ንወለዶ ንስምኪ ክዝክሩ እዮም፡ ስለዚ ጎይታ ኣህዛብ ንዘለኣለም ከመስግኑኻ እዩም ” ። 

 እቶም ስማ ንጽውዕ ክንደይ ዝተዓደልና ኢና!

በረኸታ የብዝሓልና!!